กระจกรถยนต์ ฟิล์มรถยนต์ จังหวัดเลย
รถตู้ให้เช่าทั่วไทย 77 จังหวัด

เข้าสู่ระบบ เอ๊าเลย! เลยจ๊ะ

เข้าสู่ระบบ  \/ 
x
 Use Facebook account
หรือ
สมัครสมาชิก  \/ 
x
 Use Facebook account
หรือ

แกงอ่อมบักหอยจูบ หรือว่า แกงสุดที่รัก เด้อครับ พ่อแม่พี่น้อง

แกงอ่อมบักหอยจูบ สุดที่รัก
สำหรับเมนูดีเมนูเด็ดมื้อนี้บักอ้ายขอนำเสนอ
แกงอ่อมบักหอยจูบ หรือสิเอิ้นว่า แกงสุดที่รักกะสิเด้
มาแนมเบิ่งส่วนผสมนำกันก่อนว่ามีอีหยังแน่
บ่ยากๆ
• พระเอกมาโลดมีบักหอยจูบ (หอยขม)
• นางเอกของเฮาคือใบผักอีตู่ (แมงลัก)เพราะว่านางชื่ออีตู่นางเลยได้เป็นนางเอก
• เกลือ
• ข่า
• หัวคิงไค
• ข้าวเบือ(ข้าวสารแช่น้ำ)
• บักพริก
• กระเทียม
• ผักบั่ว(หอมแดง)
• ผักกะแยง
• น้ำปลา
• ปลาร้าปลากิเดิดอย่างดีเด้
• ใบผักอีเลิศ(ใบชะพลู)
แกงอ่อมบักหอยจูบ สุดที่รัก

แกงอ่อมบักหอยจูบ สุดที่รัก
ส่วนวิธีเฮ็ดกะบ่ต้องห่วง ขั้นตอนมีบ่หลาย ง่ายๆ
แถมได้กิน แกงบักหอยสูตรอีสานต้อนตำหรับแท้ๆ
ว่าแล้วกะมาย่าวๆกันโลด
วิธีเฮ็ด อ่อมหอยจูบ มีดังต่อไปนี้
เลขที่ออก 00
บ่แม่นแล้วบักอ้าย อันนั้นมันออกเลขออกเบอร์ ตัวนี้คือสิซื้อเลขดุเนาะ
มัวแต่เล่นยุ บ่แล้วจักเทื่อ วิธีเฮ็ดกะเริ่มจาก
เอาหอยจูบมาแช่ไว้ให้มันคายขี้ดินออกมา
แกงอ่อมบักหอยจูบ สุดที่รัก
เอาจั่งเอาหอยจูบมาตัดก้นให้มันสะอาด
แกงอ่อมบักหอยจูบ สุดที่รัก
แล้วล้างน้ำอีกหลายๆเทื่อเด้อ ให้ขี้ดินมันหมด คันสั่นเวลากินแข่วหักบักอ้ายบ่อรับรองเด้
แกงอ่อมบักหอยจูบ สุดที่รัก
หั่นเครื่องแกงแล้วจั่งเอาบักพริก กระเทียม หัวผักบั่ว ข่า หัวคิงไค เกลือ มาตำรวมกันให้ละเอียด
ข้าวเบือนำเด้อ อย่าลืม ตำเข้าไป ตำแฮงๆโลด ครกมันบ่แตกดอก
แกงอ่อมบักหอยจูบ สุดที่รัก

แกงอ่อมบักหอยจูบ สุดที่รัก

แกงอ่อมบักหอยจูบ สุดที่รัก
พวกผักต่างๆ กะจัดการเตรียมเอาไว้ก่อน หลังจากล้างให้สะอาดแล้ว
ผักอีตู่กะเอามาเด็ด ผักอีเลิศกับผักกะแยงกะเอามาหั่นเป็นท่อนๆไว้ท่า
แกงอ่อมบักหอยจูบ สุดที่รัก
พร้อมแล้วเนาะ บัดทีนี้กะเอาหม้อใส่น้ำ ท่าให้น้ำมันเดือด แล้วเอาบักหอยใส่หม้อโลด
ท่าในหม้อเดือดอีกเทื่อ ค่อยเอาเครื่องแกงของเฮาใส่ลงไป
ผู้ลังคนเพิ้นกะเฮ็ดแบบเอาข่าสับ หัวคิงไคหั่นเป็นท่อน ๆ
ใส่ลงในหม้อแต่ว่าบักอ้ายเอามาตำฮวมกันหมดโลด มันนัวกว่าแม้
แล้วแต่เด้อ สูตรใครก็ส่วนใครนะคะคู้ณ
บัดที่นี่กะเอาข้าวเบือที่เฮาตำละเอียดแล้วใส่ลงในหม้อ คนให้มันเข้ากัน จนข้าวเบือสุก
ถามว่าเป็นหยังจั่งต้องใส่ข้าวเบือ ที่ต้องใส่เพราะว่าอยากสิให้น้ำแกงมันเหนียวแล้วกะข้นขึ้นนั่นเอง
ต่อไปกะใส่ผักอีตู่ ใบอีเลิศ ผักกะแยง คนก่อนเด้อ
แล้วจั่งค่อยปรุงรสด้วยเกลือ น้ำปลาร้า น้ำปลา
คันมักหวานกะใส่น้ำตาลจักหน่อยกะได้
แกงอ่อมบักหอยจูบ สุดที่รัก
ท่าให้เดือด แล้วยกหม้อลงตักใส่ถ้วย
แกงอ่อมบักหอยจูบ สุดที่รัก

แกงอ่อมบักหอยจูบ สุดที่รัก

แกงอ่อมบักหอยจูบ สุดที่รัก
ได้เวลากะเอาข้าวเหนี่ยวฮ้อนๆมาจ้ำลงไป ป้าด!!หอมผักกะแยงคัก
เมนูนี้บักอ้ายแนะนำให้หาหมอลำเพลงฮักจักเพลงมาเปิดตอนกิน
ผู้ได๋มีผุบ่าวกะเอิ้นบุบ่าวมากินนำ ผุได๋มีผู้สาวกะเอิ้นผุสาวมากันนำ
เพราะว่ามันต้องจูบกันสนั่นหวั่นไหว
มื้อนี้บักอ้ายกะต้องโบกมือลาไป กับกลอนลำกลอนนี้ก่อน
เอาไว้พ้อกันใหม่
ขอโตไปจูบกับแกงสุดที่รักก่อนเด้อ

 

 

ขอขอบคุณบทความจาก : https://pantip.com/topic/35559289

ดูข่าวที่คุณอาจจะสนใจ

Go to top