กระจกรถยนต์ ฟิล์มรถยนต์ จังหวัดเลย
รถตู้ให้เช่าทั่วไทย 77 จังหวัด

เข้าสู่ระบบ เอ๊าเลย! เลยจ๊ะ

เข้าสู่ระบบ  \/ 
x
 Use Facebook account
หรือ
สมัครสมาชิก  \/ 
x
 Use Facebook account
หรือ

มื้อนี้บักอ้ายกะเลยสินำเสนอ แจ่วบักพริกดิบ คนอีสานเป็นคนที่อยู่ง่ายกินง่าย ฮู้จักที่หาสิ่งของที่อยู่รอบๆตัวมาดัดแปลงเพื่อให้เป็นแนวกิน  

มนต์ฮักแจ่วบักพริกดิบ

เป็นการดำรงชีวิตอยู่ให้สอดคล้องกับธรรมชาติหลายที่สุดเด้ แจ่ว กะเป็นแนวกินที่คนอีสาน

นิยมเฮ็ดกินกันมาโดนแล้ว เพราะว่ามีเครื่องปรุงน้อย เฮ็ดง่าย ในพาเข้าจั่งต้องมีแจ่ว เป็นเมนูหลักกะว่าได้เนาะ ปัจจุบันนี้ถึงแม้ว่าชีวิตของคนอีสานบ้านเฮาสิเปลี่ยนไปหลาย แต่ว่าแนวกินของคนอีสานบ้านเฮา จั่ง แจ่ว กะยังบ่ได้เสื่อมความนิยมลงไปแต่อย่างได๋ ตามบักอ้ายมาเดี๋ยวสิพาไปเบิ่งสูตรและวิธีตำแจ่วในตำนานของอีแม่ ตำจนครกแตกตำจนได้ลูกชายลูกสาวมาสามคน มาเบิ่งว่าเพิ้นตำจั่งได๋กัน

หาเครื่องปรุงมาเตรียมไว้โลด
ข่าป่า สิหัวน้อยๆ หอมแฮงกว่า ข่าบ้าน คันบ่มีกะใช้ข่าบ้านกะได้ บักพริกดิบ กระเทียม หัวผักบั่ว ขิง ข่าตากแห้ง บักกอก บักนาว ปลาร้าเป็นต่อนๆ น้ำปลา เกลือ น้ำตาล คันมักหวาน

มนต์ฮักแจ่วบักพริกดิบ

มนต์ฮักแจ่วบักพริกดิบ

มนต์ฮักแจ่วบักพริกดิบ

ส่วนวิธีตำแจ่ว กะบ่ยาก คันบ่แม่นครกหินกะบ่ต้องตำแฮง เดี๋ยวครกสิแตกคือพ่อใหญ่ชายเด้

เอาข่ามาซอยเป็นต่อนน้อยๆ เอาไปตากแดดไว้มื้อหนึ่ง กะสิได้ข่าตากแห้ง แบบนี้ล่ะ

มนต์ฮักแจ่วบักพริกดิบ

เอาบักพริกมาเด็ดขั่วออก เอาขิง ข่า หัวบักบั่วมาหั่นเตรียมเอาไว้

มนต์ฮักแจ่วบักพริกดิบ
ตั้งกระทะ เอาขิง ข่า หัวบักบั่วที่หั่นไว้ ลงไปก่อน ตามด้วยบักพริกดิบกับกระเทียม

คั่วจนหอม ค่อยเอาข่าแห้งใส่ทีหลังสุด คันใส่เร็วมันสิไหม้ คั่วให้หอม กะเทออกมา

มนต์ฮักแจ่วบักพริกดิบ

พักเอาไว้ก่อน แล้วๆกะเอามา ตำ ตำ ตำ

มนต์ฮักแจ่วบักพริกดิบ

ก่อนตำเอาเกลือใส่ลงไปจักหน่อย เอาคุอย่างที่คั่วเอาไว้ใส่ลงไปในครก ตำใส่มันแหลก

ให้มันเข้ากัน ค่อยปรุงรสชาติ ใส่ น้ำปลา บักกอก แล้วกะต่อนปลาร้า

ตำให้มันเข้ากัน คันมักส้ม กะใส่บักนาวลงไปจักหน่อย

มนต์ฮักแจ่วบักพริกดิบ

เป็นแนวกินที่เฮ็ดง่ายที่สุดเด้
ตักใส่ถ้วย ยกใส่พาเข้ามากินกับปลานึ่ง ไข่ต้มนำ
มื้อนี้อ้ายมีปลานิลนึ่งใส่ผักกวางตุ้ง แต่บ่มีวิธีนึ่งปลาบอกเอาไว้ดอก เอาไว้เที่ยหน้าเนาะ
และนี่กะคือเมนู มนต์รักแจ่วบักพริกดิบ ในตำนานของแม่ใหญ่นวล

มนต์ฮักแจ่วบักพริกดิบ

มนต์ฮักแจ่วบักพริกดิบ

มื้อนี้วันนี้บักอ้ายกะต้องขออำลาไปก่อนเด้อครับ เอาไว้สิมาเว้าเรื่องม่วนๆกับเฮ็ดแนวกิน

ให้เบิ่งในตอนต่อไป ขอบคุณหลายๆครับ ที่ติดตามกันมาตลอด ฮักบักอ้ายน้อยๆเด้อ

แต่ว่าให้ฮักบักอ้ายโดนๆเนาะ ฮักจนถึงเมนูหนึ่งร้อยกะได้

สำหรับมื้อนี้ สวัสดีครับ

 

 

ขอขอบคุณบทความจาก : https://pantip.com/topic/35599612

ดูข่าวที่คุณอาจจะสนใจ

Go to top