Travel in Loei

  • ทำไม จังหวัดเลย จึงน่าเที่ยวมาก ในช่วง Covid-19

    สวัสดีครับสำหรับผู้อ่านทุกท่านที่ได้เข้ามาอ่านข้อความของเอ๊าเลยดอทคอม เว็บไซต์ที่รวบรวมเรื่องราวต่างๆของจังหวัดเลยไว้ที่นี่ไม่ว่าจะเป็นร้านเล็กหรือร้านใหญ่ ไม่ว่าจะเป็นร้านอาหารหรือว่าจะเป็นแค่ร้านข้างทาง หรือเป็นโรงแรมรีสอร์ท หรือเถียงนาเล็กๆ ที่เราไปพบเจอมาเราก็จะนำมาเล่าให้ฟังนะที่นี้   จากวิกฤต covid-19 ที่ผ่านมานั้นทำให้อุตสาหกรรมการท่องเที่ยวของทุกแห่งทุกแบบในประเทศไทยนั้นได้รับผลกระทบอย่างยิ่งใหญ่มากที่สุด…

  • ชวนเที่ยวกินบุฟเฟต์ส้มเมืองเลยแท้ แค่คนละ 100 บาท สวนส้มตาอึ่ง

    เลย - ชวนนักท่องเที่ยวกินส้มสีทอง สายพันธุ์เมืองเลยแท้ๆ ที่สำคัญเจ้าของสวนใส่ใจปลูกด้วยเกษตรอินทรีย์ ไม่ใช้สารเคมี

  • หนาวนี้ที่เมืองเลย ปี 2561 มาเมืองเลยยังไงไม่ให้หล่น

    ปีนี้จังหวัดเลย แนวโน้มน่าจะมีอากาศที่หนาวยะเยือกแน่ๆ ปีหนึ่ง เพราะแค่มีความกดอากาศสูงจากจีนผ่านมาแว่บๆตะกี้ก็เล่นเอายะเยือกไปพอสมควร 

  • เที่ยวเมืองเลยหน้าร้อน ไปที่ไหนดี

    จังหวัดเลยไม่ได้มีแต่หน้าหนาวนะครับ หน้าร้อนก็ร้อนได้ใจเช่นเดียวกัน แหมก็เมืองอยู่สูงกว่าระดับน้ำทะเลตั้งเยอะ ย่อมจะอยู่ใกล้พระอาทิตย์ที่ร้อนแรงกว่าเตาแก๊สลั๊กกี้เฟลมเป็นไหนๆ

  • มิตรภาพ บนภูลำดวน ต.ปากชม อ.ปากชม จ.เลย รอเจียรนัย...

    สถานที่ท่องเที่ยว ป้ายแดง แห่งใหม่ ในอำเภอปากชม ทิศทัศน์ มองได้ 360 องศา ท้าทาย เชียงคาน…

ยอดนิยม

เหลียวเบิ่งตะเว้นขึ้นสื่อหัว มันคือฮ้อนฮักฮ้อนแน่แท้น่อ อยากสิแก้ผ้าลงไปแช่น้ำคือพวกงัวพวกควายเด้น้อสู

แจ่วบอง ของแซ่บแบบบ้านๆ

อากาศฮ้อนจั่งซี้ มาๆ ลงไปนอนเล่นเถียงนานำกัน ก่อนสิไป ขอบักอ้ายเข้าครัวตำแจ่วบองปลาร้าห่อไปกินทุ่งนาก่อนเด้อ มาท่าแม้ เข้ามาซ่อยบักอ้ายเฮ็ดแจ่วบองปลาร้า สูตรคนอีสานขนาดแท้แม้ พู้นน่ะไปเอาตั่งมานั่งใกล้ๆไป๋
สิได้เห็นคักๆ ก่อนอื่นกะมาเบิ่งเนาะมามีส่วนประกอบอีหยังแน่ พระเอกมาก่อนเป็นอันดับแรกโลด กะคือปลาร้านี่ล่ะ ปลาร้าปลากิเดิด อีแม่เพิ้นหมัก เอาไปหลายปีแล้วเด้ไหนี่ ตักมาโลดถ้วยหนึ่ง ตักเอาน้ำปลาร้ามันมานำเด้อ มันจั่งสินัวคักแน่
อันดับสอง(ป้าดๆๆคำเว้ามันคือมาหรูหราคักแท้ล่ะน้อบักอ้าย)
เอ้า!!ย่าวต่อโลด อันดับที่สองกะคือเกลือเม็ด ซื้อมาจากระยองตอนไปเที่ยวเกาะเสม็ดแม้ ส่วนเรื่องที่บักอ้ายสิเสร็จบ่เสร็จอันนี้ขอเก็บไว้ฮู้ผู้เดียวพอ บ่อยากเว้าให้มันหลายความ555 บัดที่นี้กะหยิบเอาบักพริกที่ตากแห้งเอาไว้ออกมา ส่วนเครื่องหอมสมุนไพร ข่า หัวคิ่งไค(ตะไคร้) ใบบักกรูด กะไปขุดมาให้จากข้างๆฮั้วบ้านนี่ล่ะ บักอ้ายปลูกเอาไว้หลายโพด ผู้ได๋มาขอบักอ้ายกะบ่อหวง ไปขุดเอาโลด บ่ว่าดอก บักอ้ายลุกขึ้นยืนดึงเอาหัวผักกระเทียม กับผักบั่ว(หอมหัวแดง)ลงมาจากข้างฝา
อีพ่อเพิ้นเอามาปลูกเอาไว้เป็นพวงย้อยย่ำย่างอยู่ เพิ้นว่าผูกไว้จั่งซี่หัวกระเที่ยวมันจักสิบ่ลีบพะนะ ส่วนเครื่องปรุงกะมี เกลือ น้ำตาล น้ำปลา ซั่มนั่นล่ะ

แจ่วบอง ของแซ่บแบบบ้านๆ

แจ่วบอง ของแซ่บแบบบ้านๆ

คันถามบักอ้ายว่าแจ่วบองปลาร้าสูตรอีสานขนาดแท้ของบักอ้ายต่างจากสูตรของผู้อื่นจั่งได๋
แจ่วบองของบักอ้ายบ่ใส่บักขามเปียก จั่งว่าสูตรไผ๋สูตรมันเนาะสู มันบ่มีแนวได๋ผิดหรือถูกดอก
แล้วแต่มักโลด ไปๆ ขยับไปแน่เดี๋ยวบักอ้ายสิลงมือเฮ็ดแล้ว
ปลาร้าเอามาสับให้มันแหลก ย้ำชัดๆเด้ สับให้มันแหลกๆๆๆๆ (อย่าให้เหลือก้างแม้แต่อันเดียว)
โพ้นน่า หรอยเว้าภาษากลาง เท่คักบ่ สับแล้วกะเอาใส่ถ้วยไว้
อย่าเทน้ำปลาร้าทิ่มเด้อ เก็บไว้นำกันนั่นล่ะ

แจ่วบอง ของแซ่บแบบบ้าน

ต่อมากะหั่นพวกเครื่องหอม ข่า หัวคิ่งไค ใบบักกรูด กระเทียม ส่วนผักบั่วค่อยหั่นทีหลังหมู่
ฮือ ๆ ๆ ๆ บักอ้ายบ่ได้เป็นหยังดอก น้ำผักบั่วมันเด็นเข้าตา
น้ำตามันเลยไหลออกมาจั่งซี้ล่ะอีนางเอ้ย บ่ต้องห่วงบักอ้ายดอก
“บักขี้โม้อ้ายเอ้ย เอามีดแช่น้ำก่อนเด้อ แล้วค่อยเอาไปหั่นผักบั่ว(หอมแดง)
เดี๋ยวน้ำตาสิไหลลงไปในแจ่ว บ่มีผู้ได๋อยากกินเด้”เสียงอีแม่ฮ้องบอก
(แม้ๆๆๆๆ มีเคล็ดลับไม่ไม่ยอมบอกนะคุณแม่)บักอ้ายถึงกับอุทานเป็นภาษากลาง
มาบอกปานนี้มันสิทันบ่ ข้อยเสียน้ำตาเป็นกะคุแล้วเด้อีแม่ เอาไว้เที่ยหน้ากะแล้วกันเนาะ
ข่อยสิบ่ลืมเอามีดแช่น้ำก่อนหั่นผักบั่วเด็ดขาด
หลังจากหั่นหมดคุสิ่งคุอย่างแล้ว เอากะเอาไปคั่วกับไฟอ่อนให้มันหอม คันมีเตาถ่าน
กะเอาย่างกะได้คือกัน แต่ว่ามื้อนี้บักอ้ายขี้คร้านดังไฟกะเลยเอาใสกระทะคั่วเอาโลด
แล้วๆกะเอามาตำ ตำทุกอย่างที่เฮาคั่วเด้อ เอ้า!!!มานั่งเบิ่งตาเหลี่ยมเม้าๆ
อยู่ซื่อๆเฮ็ดหยังน้อ มาซ่อยบักอ้ายตำท่าแม้ ตำผู้เดียวมันเมื่อยมือเด้
จั่งสั่นล่ะ ตำแล้วกะแยกกันเอาไว้ ตำบักพริกก่อน จากนั่นกะค่อยตำพวกเครื่องหอมเด้อ

แจ่วบอง ของแซ่บแบบบ้านๆ

แจ่วบอง ของแซ่บแบบบ้านๆ

ตำแล้วกะเอาชามมา บักอ้ายใช้วิธีเอาบ่วงคุกเอานอกครกเด้อ บ่เอามาตำรวมกัน
เพราะว่ามันล้นครก(บ่มีเหตุผลอื่นดอก) ใส่ปลาร้าลงไป ตามลงไปคือบักพริกป่น
แล้วกะข่า หัวคิ่งไค บักบั่ว กระเทียม ใบบักกูด และกะเกลือที่ตำแหลกแล้ว
เรียบร้อยใส่ลงไปในชามคนโลด บัดที่นี่กะคนให้มันทั่วๆ อย่าฟ้าวหยุดแม้
คนให้มันเข้ากันก่อน คนจนเนื้อมันเนียนละเอียด เอ้าใช้ได้แล้ว
สุดท้ายกะเติมน้ำตาล แล้วกะนำปลา ลงไปแนวละช้อน
แล้วๆเด้อ เอากะปุกมาใส่ ไปพายเอากล่องข้าวไป เดี๋ยวสิได๋ไปนอนเล่นโถ่งนานำกัน
“อย่าฟ้าวไป เอาใส่ใบตองย่างไฟให้พ่อแน่ เพิ้นจ่มว่าเจ็บท้อง บ่อยากกินดิบๆ”
อีแม่ย่างเข้ามาในครัว
“กะบอกแล้วเนาะว่าขี้คร้านดั่งไฟ เจ้าเฮ็ดเอาเองโลดอีแม่
ข่อยไปนาแล้ว ฮ้อนหลายสิฟ้าวไปโดดน้ำเล่น” บักอ้ายฟ้าวแล่นหนีออกมา
“ห่าคั่วเมงเอ้ยบักอ้าย แม่ใช่แม่วาน เมงเฮ็ดให้บ่ได้ท่าแม้ บักผีบ้า”
เสียงอีแม่ป้อยไล่หลังมา เอ้าแล่นนำบักอ้ายให้ทันเด้อ
ก่อนสิโดนด้ามฟืนอีแม่ ไปพ้อกันทุ่งนาเด้อครับทุกผู้ทุกคน

แจ่วบอง ของแซ่บแบบบ้านๆ

แจ่วบอง ของแซ่บแบบบ้านๆ

จบแล้วครับม่วนบ่ คันม่วนกะบอก มื้อหน้าสิเอาแนวกินอย่างอื่นมาเว้าสู่ฟังอีก

 

 

ขอขอบคุณบทความจาก : https://pantip.com/topic/35187551

powered by social2s

รถตู้ให้เช่า จ.เลย

ร้านอาหารอร่อย เมืองเลย

สาวสวยเมืองเลย

รับถ่ายภาพ ถ่ายวิดีโอ ด้วยโดรน จ.เลย Drone

รถตู้ให้เช่า เมืองเลย เลยแวน59
เช่ารถ จังหวัดเลย
สัญญารถตู้ให้เช่า จังหวัดเลย
โปรแกรมหวย จำหน่าย

Go to top