จ่าเฉ่ ได้ปลาลูกคอกมาจากตลาดแถวบ้าน 30 บาทได้มาหลายเติบ แม่ค้ารู้จักกันแถมเห็ดนางฟ้ามาอีก จ่ากะเลยว่าจะหมกปลากับนึ่งเห็ดนางฟ้ากิน ยามแลงนี่ละ มื้อนี้กินไวหน่อย ตอนค่ำจะได้ไปเข้าเวร มาลองเบิ่งกัน
ฟังเพลงประกอบนำเด้อ
{youtube}mbjzeg58Ifo{/youtube}
ล้างน้ำดีๆให้สะอาด
ตำเครื่องแกงใส่ มี พริก กะเทียม เกลือ ลำข่า และ บักขามน้อย
เนื่องจากว่าตะไคร้บ่มีกะเลยตัดลำข่ามาตำใส่แทนคาดว่าจะแทนกันได้
ใส่บักขามน้อยแทน จากนั้นกะปรุงใช้วิธีกะหรือความรู้สึกคิดว่าน่าจะพอดีแซบ ใส่ชูรส น้ำปลาร้า ใบผักตู่
นอกจากนี้กะยังมีเห็ดนางฟ้าดอกน้อยๆเอามาฉีกเป็นชิ้นน้อยๆ แล้วกะคนให้เข้ากัน
จากนั้นกะเอาใบตองมาห่อ
ห่อได้ 5 ห่อ พอดีเป๊ะ บ่ได้ห่อใบตองนานแล้วรูปทรงอาจจะสวยน้อย
ใช้วิธีเอาไปนึ่งก่อนเด้อจ้า เพราะบ่มีเวลานั่งเฝ้า
กะเวลาว่า สุกแล้วก็เอามาย่างไฟอ่อนๆ มีจี่บักพริกอ่อนกับเห็ดนางฟ้าที่จิกไว้นำ
จะเอาไปตำแจ่วกินแลง ระหว่างรอกะกินหนมจีนถ่า นั่งเบิ่งหมกปลาไปนำ บ่เป็นการเสียเวลา
ได้เวลาอั่นสมควรแล้วกะ แกะห่อหมกออกพิสูจน์รสชาด ก่อนย้านขายหน้าเจ้าของ
เห็ดนางฟ้าตัดขาล้างน้ำ
ส่วนหนึ่งกะนึ่งจิ้มแจ่ว จ้า
ซาวเกลือก่อนนึ่งเพื่อความนัว
แล้วก็จัดการเลยครับ ฟ้าวไปเข้าเวร ลองเฮ็ดกินเบิ่งเด้อ
ที่มา : http://www.baanmaha.com/community/thread43318.html
